Clwb Clex
Clwb Cymraeg i bobl ifanc rhwng 11 ac 16 oed yw Clwb Clex ac mae croeso mawr i unrhyw un ymaelodi, beth bynnag eu cefndir, ffydd neu ddiwylliant. Bwriad y Clwb yw rhoi cyfle i bobl ifanc gymdeithasu, cymryd rhan mewn gweithgareddau, ymlacio a joio mewn naws ddiogel a Chymraeg ei hiaith.
Rydym yn cyfarfod yn y Morlan bob nos Wener yn ystod y tymor ysgol – o ddiwedd Medi i ddiwedd Mai – rhwng 7 a 9 yr hwyr.
Mae ein gweithgareddau’n amrywio o gemau (megis dodgeball, bingo, gemau bwrdd neu snwcer) i weithgareddau celf i sesiynau penodol (megis yoga neu helfa drysor), ynghyd â thripiau i'r ganolfan hamdden neu'r sinema. Ceisiwn hefyd wneud ein gorau dros elusennau sy’n bwysig i ni, yn enwedig rhai yn ymwneud â phlant a phobl ifanc.
Rhedir y Clwb gan bwyllgor sy'n cynnwys Arweinydd y Clwb a chynrychiolwyr o aelodau a rhieni.
Edrychwn ymlaen at eich gweld yn y Clwb.
Am fanylion pellach, e-bostiwch: Mae'r cyfeiriad ebost yn cael ei warchod rhag spam bots, rhaid i chi alluogi Javascript i'w weld. Nodyn i rieni
Credwn ei fod yn bwysig bod gan rieni gysylltiad agos â’r Clwb, a chroesewir rhieni yn aelodau o Bwyllgor y Clwb.
Mae pob oedolyn sy'n ymwneud â'r Clwb wedi cael y profion angenrheidiol.
Cynhelir y Clwb ar safle diogel ar nos Wener ac nid yw'n agored i'r cyhoedd. Ni chaniateir i'r plant fynd allan i chwarae neu i grwydro.
Er mwyn bod yn aelod o'r Clwb, gofynnir i bawb gwblhau ffurflen gofrestru – am resymau iechyd a diogelwch yn bennaf.
|
