Cyfleusterau i'w llogi

Mae gan Morlan ystafelloedd i’w llogi sy’n addas ar gyfer amryw o weithgareddau – o gyfweliadau bach i bwyllgorau mawr, o gyngherddau, dramâu a ffilmiau i ffeiriau llyfrau, nosweithiau cymdeithasol a dosbarthiadau dawns, ynghyd â chynadleddau, cyfarfodydd cyhoeddus, gwleddoedd priodas a phob math o ddigwyddiadu eraill.

Gellir llogi ystafell am gyn lleied ag awr neu am gyfnodau hirach – bore, prynhawn neu nos – ar delerau cystadleuol iawn, a cheir telerau gostyngol i grwpiau/mudiadau elusennol, cymunedol a chrefyddol, ac ar gyfer digwyddiadau sy’n cyd-fynd ag amcanion Morlan (cysylltwch am fanylion y cyfraddau llogi). Ein nod yw darparu amgylchedd croesawgar, cartrefol i bawb sy'n defnyddio'r ganolfan.

Mae’r costau llogi yn cynnwys llogi’r ystafell gyda’r ystafell wedi’i threfnu yn unol â’ch anghenion – boed hynny'n drefniant theatr, yn drefniant cabaret, yn drefniant pwyllgor, neu beth bynnag – gan ddarparu jygiau o ddŵr tap os oes angen. Gwnawn ein gorau i addasu pob ystafell i gyd-fynd â’ch gofynion chi.

Dogfennau Pwysig

Telerau ac Amodau Llogi
Cynllun Argyfwng
Polisi Iechyd a Diogelwch

Neuadd

Mae neuadd amlbwrpas Morlan yn addas ar gyfer cynnal cyngherddau a pherfformiadau o bob math. Ceir llwyfan y gellir ei haddasu o ran siâp, uchder a maint, piano a system goleuadau a sain, ac mae’r ardal ‘cefn llwyfan’ yn cynnwys toiled ac ystafell newid gyda chawod.

Mae’r neuadd hefyd yn addas ar gyfer pwyllgorau mawr, cynadleddau, darlithoedd, cyfarfodydd cyhoeddus, ffeiriau llyfrau a chrefft, dosbarthiadau dawns, drama a chanu; gellir addasu trefniant yr ystafell yn unol ag anghenion y digwyddiad. Os nad oes angen yr holl ofod arnoch, mae modd tynnu llenni ar draws yr ystafell i greu gofod llai, mwy agos atoch.

Gall y neuadd ddal dros 200 o bobl mewn trefniant theatr a rhyw 100 o bobl mewn trefniant cabaret. Mae'n mesur 21m x 11.9m.

Ystafelloedd Pwyllgor

Mae gennym bedair ystafell bwyllgor:

• Y Lolfa: mae hon yn ystafell braf, cyfforddus sy'n addas ar gyfer pwyllgorau o hyd at 30 o bobl, neu 40 o bobl mewn rhesi. Noder: nid oes gan yr ystafell hon fynediad i'r anabl (mae wedi'i lleoli ar y llawr cyntaf). 

• Yr Ystafell Bwyllgor: mae gan yr ystafell hon lawr pren ac mae'n addas ar gyfer pwyllgor o hyd at 20 person, neu mae modd ffitio hyd at 25 yma mewn trefniant theatr.

• Y Gegin: gall bwyllgor o hyd at 10 o bobl ffitio yn yr ystafell hon. Eto, dylid nodi nad oes gan yr ystafell hon fynediad i'r anabl.

Bar Coffi

Mae lle i ryw 30 yn y Bar Coffi, ac mae’n addas iawn ar gyfer cynnal bore coffi neu achlysur tebyg, ond gellir ei ddefnyddio hefyd fel man cyfarfod anffurfiol. Mae adnoddau arlwyo syml ar gael.

Cynhelir arddangosfeydd celf amrywiol yn yr ardal hon hefyd. Cysyllter am fwy o wybodaeth.

Arlwyo

Gallwn ddarparu te a choffi ar gyfer eich digwyddiad. Mae'r Morlan yn ganolfan Fasnach Deg, felly dim ond te,coffi, siwgr a bisgedi (pan fo hynny'n bosibl) Masnach Deg a weinir gennym. Gallwch hefyd logi ein cyfleusterau cegin i ddarparu eich paneidiau eich hun.

Os oes gennych anghenion arlwyo yn ystod oriau swyddfa, rhaid trefnu hyn drwy'r Morlan. I'r perwyl hwn, y mae'r Morlan wedi sefydlu cytundeb arlwyo gyda treehouse – siop a thŷ bwyta organig yn Aberystwyth. Mae’r holl gynhwysion a ddefnyddir gan treehouse:

• wedi’u cynhyrchu’n organig, os ydynt ar gael felly

• yn gynnyrch lleol a thymhorol, ble bynnag y mae hynny’n bosibl

• yn fasnach deg pan fo hynny’n berthnasol.

Os yw eich digwyddiad y tu allan i oriau swyddfa neu dros y penwythnos, gallwch ddewis  rhwng defnyddio trefniadau arlwyo'r Morlan neu wneud eich trefniadau eich hunain.

Adnoddau Eraill

Mae gan Morlan le parcio ar gyfer rhyw 18 o geir sydd ar gael i ddefnyddwyr y Morlan er na ellir gwarantu y bydd llefydd gwag ar gael.

Mae mynediad i’r anabl i bob rhan o’r adeilad heblaw am y ddwy ystafell ar y llawr cyntaf, a cheir toiled i’r anabl yn ogystal â thoiledau arferol ac ystafell newid clytiau.

Mae Mynediad at Ryngrwyd Band Eang Di-wifr ar gael yn rhai o'r ystafelloedd.